Friday, May 14, 2021
33 C
Abuja
Friday, May 14, 2021

Rema: Nigerian Singer & Lady crooner break silence on Nimie wey make fans get ‘pepper bodi’ weda na im girlfriend

Must read

NGX Group to launch “The Stock Africa Is Made Of” campaign

Nigerian Exchange Group (NGX Group) Plc is set to launch a campaign to project its new positioning and commitment to the African financial markets...
  • Ogechi Obidiebube
  • BBC News Pidgin, Lagos

Nigerian singer, Divine Ikubor AKA Rema don clear di air say di girl wey im carry go fan date on Thursday, June 25 no be im babe.

Evritin start wen Rema announce for im Twitter days ago say im go like carry one of im ‘special fan girl’ go date to spoil her wit enjoyment but dem go need comment wit dia picture for am to chose di lucky girl.

Skip Twitter post, 1

End of Twitter post, 1

Na so plenti girls begin ‘apply’ but tins shock pipo wen im announce di winner as one Nimie girl from Instagram.

Na so pipo para begin accuse Rema say im do partial, say di girl wey im chose no even follow apply like oda girls. Some even say di Nimie girl na im girlfriend sake of di way two of dem bin dey love up during di date.

Skip Twitter post, 3

End of Twitter post, 3

But Rema deny am say di girl no be im girlfriend and say she follow apply for Instagram instead of Twitter wia im first post di fan date announcement.

Wetin happen for di date?

Di date wey Rema post for im Instagram stories, first start wit romantic lunch for one restaurant for Lagos wia two of dem siddon to know eachoda more.

From there, im carry Nimi go boutique for shopping. Pipo head burst wen di singer tell her to “pick anytin wey you want, I go pay”.

Afta dem do shopping finish, im carry her go boat cruise come surprise her wit necklace wey im help her wear.

Di two carry di date go anoda level wen Rema hold Nimi for back, ‘di Titanic style’.

Rema cap evritin wen im play one of music wey im neva even release for Nimi.

Short biography of Rema

Born on 1 May 2000 (age 19 years), di Nigerian musician wey be singer and rapper sign record deal wit Jonzing World, we be part of Mavin Records for 2019.

Im rise to fame wit di release of di song “Dumebi” and “Iron Man”, wey appear on Barack Obama’s 2019 summer playlist.

- Advertisement -

More articles

LEAVE A REPLY

Please enter your comment!
Please enter your name here

- Advertisement -

Latest article

NGX Group to launch “The Stock Africa Is Made Of” campaign

Nigerian Exchange Group (NGX Group) Plc is set to launch a campaign to project its new positioning and commitment to the African financial markets...

Africa’s COVID

A health worker takes a swab from a woman during a community COVID-19 coronavirus testing campaign in Abuja on April 15, 2020. PHOTO: Kola...